കല്‍പ്പറ്റ: 'മാന്‍ഹോള്‍' എന്ന സിനിമക്ക് ലഭിച്ച അംഗീകാരവും അത് സമൂഹത്തില്‍ സൃഷ്ടിച്ച ചലനങ്ങളും ഓസ്‌ക്കാര്‍ ലഭിച്ചതിനേക്കാള്‍ സന്തോഷമുണ്ടാക്കിയെന്ന് മാന്‍ഹോള്‍ സിനിമയുടെ സംവിധായകയും മാധ്യമ പ്രവര്‍ത്തകയുമായ വിധു വിന്‍സെന്റ്.
വയനാട് പ്രസ്‌ക്ലബും ലക്കിടി ഓറിയന്റല്‍ കോളജ് മാധ്യമ വിഭാഗവും സംയുക്തമായി സംഘടിപ്പിക്കുന്ന വയനാട് ചലച്ചിത്രോത്സവം ഉദ്ഘാടനം ചെയ്ത് സംസാരിക്കുകയായിരുന്നു അവര്‍.
ഓറിയന്റല്‍ ഗ്രൂപ്പ് മാനേജിങ് ട്രസ്റ്റി എന്‍.കെ മുഹമ്മദ് അധ്യക്ഷനായി. വയനാട് പ്രസ് ക്ലബ് പ്രസിഡന്റ് ബിനു ജോര്‍ജ് മുഖ്യപ്രഭാഷണം നടത്തി. മാധ്യമ പ്രവര്‍ത്തകന്‍ കെ.എ. അനില്‍കുമാര്‍, ഒ.സി.എച്ച്.എം പ്രിന്‍സിപ്പല്‍ കെ ഷാജി, ഒ.ജി.ഇ.ഐ വൈസ് പ്രിന്‍സിപ്പല്‍ വിനു ജോര്‍ജ്, ഡയറക്ടര്‍ കെ.സി റോബിന്‍സ്, അഡീഷണല്‍ വൈസ് പ്രിന്‍സിപ്പല്‍ സിയാവുദീന്‍, എസ് ശരത് സംസാരിച്ചു.
26നാണ് സമാപനം. വൈകീട്ട് നാലിന് നടക്കുന്ന സമാപന സമ്മേളനം നടന്‍ മാമുക്കോയ ഉദ്ഘാടനം ചെയ്യും.