പെരുവെമ്പ് :  പെരുവെമ്പ്, പുതുനഗരം, കൊടുവായൂര്‍, പഞ്ചായത്തുകളിലെ വിദ്യാലയങ്ങളിലെ കുരുന്നുകളാണ് പൊരുവെയിലത്ത് വെള്ളമില്ലാതെ പ്രയാസപെടുന്ന പറവകള്‍ക്ക് ദാഹജലമൊരുക്കുന്നതിന് വീടുകളുടെ ചുറ്റുമതിലുകളിലും മട്ടുപ്പാവുകളിലുമെല്ലാം ദാഹജല പാത്രങ്ങള്‍ സജ്ജീകരിച്ചിട്ടുള്ളത്. പ്രൈമറി വിദ്യാലയങ്ങളിലെ വിദ്യാര്‍ഥികളാണ് തുടക്കം കുറിച്ചതെങ്കിലും നിലവില്‍ ഇത് സമൂഹത്തിന്റെ എല്ലാ മേഖലകളിലേക്കും വ്യാപിച്ചുകൊണ്ടിരിക്കുകയാണ്. കുളങ്ങളും, കിണറുകളും മറ്റുജലസ്രോതസുകളും വറ്റിവരണ്ടതോടുകൂടി മറ്റുവഴികളില്ലാതെ പ്രയാസപെടുന്ന പറവകള്‍ക്ക് വിദ്യര്‍ഥികള്‍ ഒരുക്കുന്ന ദാഹജല സംഭരണികള്‍ ഏറ്റവും വലിയ അനുഗ്രഹമാകുന്നതായി പല്ലശ്ശനയിലെ അധ്യാപകര്‍ പറയുന്നു.