ദുബൈ: യു.എ.ഇയില്‍ കഴിഞ്ഞദിവസം രാത്രി തുടങ്ങിയ മഴ ഇന്നലെയും തുടര്‍ന്നു. ദുബൈ, ഷാര്‍ജ, അബൂദബി, റാസല്‍ഖൈമ, അജ്മാന്‍ ഉള്‍പ്പെടെയുള്ള എമിറേറ്റുകളില്‍ സാമാന്യം നല്ല മഴയാണ് പെയ്തത്. ഇടിയുടെയും മിന്നലിന്റെയും അകമ്പടിയോടെയാണ് മഴ.
പല എമിറേറ്റുകളിലും റോഡുകളില്‍ വെള്ളം കെട്ടികിടക്കുന്നത് മൂലം വലിയ തോതില്‍ ഗതാഗത തടസമുണ്ടായി. ചില വിമാന സമയങ്ങള്‍ പുതുക്കി നിശ്ചയിച്ചു. മഴ ഇന്നും തുടരാന്‍ സാധ്യതയുണ്ടെന്നും ആകാശം മേഘാവൃതമായിരിക്കുമെന്നും കാലാവസ്ഥാ നിരീക്ഷണകേന്ദ്രം അറിയിച്ചു.