ഡിഗ്രി - ക്ലാസുകള്‍
ജൂലൈ നാലിന്
ആരംഭിക്കും

അഫിലിയേറ്റഡ് ആര്‍ട്‌സ് ആന്‍ഡ് സയന്‍സ് കോളജുകള്‍ (ഗവ, എയ്ഡഡ്, സ്വാശ്രയ), യു.ഐ.ടി, ഐ.എച്ച്.ആര്‍.ഡി എന്നിവിടങ്ങളില്‍ ഒന്നാംവര്‍ഷ ബിരുദ (2016-17) ക്ലാസുകള്‍ ജൂലൈ നാലിന് ആരംഭിക്കും.

ബി.എഡ്:
അപേക്ഷ ഇന്നുവരെ

2016-18 അധ്യയനവര്‍ഷത്തേക്കുള്ള ഗവ എയ്ഡഡ് സ്വാശ്രയ ട്രെയ്‌നിങ് കോളജുകളിലേക്കും കേരള സര്‍വകലാശാല കോളജ് ഓഫ് ടീച്ചര്‍ എജ്യുക്കേഷനുകളിലേക്കും ബി.എഡ് കോഴ്‌സിന്റെ പുതുക്കിയ ഷെഡ്യൂള്‍ പ്രകാരം കോളജുകളില്‍ അപേക്ഷ സമര്‍പ്പിക്കുന്നതിനുള്ള അവസാന തീയതി ജൂണ്‍ 30 വരെ നീട്ടി.
ജൂലൈ അഞ്ചിനു റാങ്ക് ലിസ്റ്റ് പ്രസിദ്ധീകരിച്ച് ജൂലൈ 11, 12 തീയതികളില്‍ അഭിമുഖം അഡ്മിഷന്‍ നടത്തുകയും ജൂലൈ 13ന് ക്ലാസുകള്‍ ആരംഭിക്കുകയും ചെയ്യും.

ബി.എഫ്.എ ഫലം

2016 മാര്‍ച്ചില്‍ നടത്തിയ ഒന്ന്, അവസാന വര്‍ഷ ബി.എഫ്.എ പരീക്ഷാഫലം വെബ്‌സൈറ്റില്‍ ലഭിക്കും.
പുനര്‍മൂല്യനിര്‍ണയത്തിനും സൂക്ഷ്മപരിശോധനയ്ക്കും ജൂലൈ 30 വരെ അപേക്ഷിക്കാം.

ബി.എച്ച്.എം ഫലം

ജനുവരിയില്‍ നടത്തിയ ഒന്നാം സെമസ്റ്റര്‍ ബാച്ചിലര്‍ ഓഫ് ഹോട്ടല്‍ മാനേജ്‌മെന്റ് ആന്‍ഡ് കാറ്ററിങ് ടെക്‌നോളജി (2014 അഡ്മിഷന്‍) ഫലം വെബ്‌സൈറ്റില്‍.

എല്‍.എല്‍.ബി
പരീക്ഷ മാറ്റി

ജൂലൈ അഞ്ച്, ഏഴ് തീയതികളില്‍ നടത്താനിരുന്ന ഒന്നാം സെമസ്റ്റര്‍ യൂണിറ്ററി എല്‍.എല്‍.ബി പരീക്ഷകള്‍ യഥാക്രമം ജൂലൈ 21, 22 തിയതികളിലേക്ക് പുനക്രമീകരിച്ചു.