ടൊറന്‍ഡോ: കാനഡയിലെ ടൊറന്‍ഡോയില്‍ ഇന്ത്യന്‍ റസ്റ്ററന്റ്റിലുണ്ടായ സ്‌ഫോടനത്തില്‍ 15 പേര്‍ക്ക് പരുക്കേറ്റു. മൂന്ന് പേരുടെ നില ഗുരുതരമാണ്. വ്യാഴാഴ്ച രാത്രി ബോംബെ ബെല്‍ എന്ന റസ്റ്ററന്റ്റിലാണ് സ്‌ഫോടനമുണ്ടായത്. കാനഡയിലെ ആറാമത്തെ വലിയ നഗരമായ ഒന്റാരിയോയിലെ മിസിസാഗയിലാണ് റസ്റ്ററന്റ്റ് സ്ഥിതി ചെയ്യുന്നത്. ആക്രമണത്തിന് പിന്നില്‍ പ്രര്‍ത്തിച്ചെന്നു കരുതുന്ന രണ്ട് ചിത്രങ്ങള്‍ പൊലിസ് ട്വിറ്ററിലൂടെ പുറത്തുവിട്ടു. കൈയില്‍ സ്‌ഫോടക വസ്തുവുമായി റസ്റ്ററന്റ്റിലേക്കെത്തുന്ന ഇരുവരും പെട്ടെന്ന് പുറേേത്തക്ക് പോവുന്ന ചിത്രങ്ങളും പുറത്തുവിട്ടിട്ടുണ്ട്. സ്‌ഫോടനത്തില്‍ റസ്റ്ററന്റ്റിന്റെ മുന്നിലെ വാതിലും വരാന്തയും തകര്‍ന്നു. സംഭവത്തില്‍ ഇന്ത്യന്‍ വിദേശകാര്യ മന്ത്രാലയം കാനഡ സര്‍ക്കാരുമായി ബന്ധപ്പെട്ടു. ടൊറന്‍ഡോ അധികൃതരുമായി വിദേശമന്ത്രാലയം ബന്ധപ്പെട്ടുവെന്ന് സുഷമാ സ്വരാജ് പറഞ്ഞു.