കോഴിക്കോട്: മലബാറിന്റെ വികസന കവാടമായ കരിപ്പൂര്‍ വിമാനത്താവളത്തിന്റെ പ്രതാപം വീണ്ടെടുക്കുന്നതിന് കേരളത്തിലെ മുഴുവന്‍ എം.പിമാരും ഒറ്റക്കെട്ടായി പ്രവര്‍ത്തിക്കുമെന്ന് എം.കെ രാഘവന്‍ എം.പി പറഞ്ഞു.
 മലബാര്‍ ഡവലപ്‌മെന്റ് ഫോറം കോഴിക്കോട് നടത്തിയ നൂറ്റിപ്പതിനൊന്ന് മണിക്കൂര്‍ രാപകല്‍ സമരത്തിന്റെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.  
സമരത്തില്‍ പങ്കെടുത്തവരെ എം.പി പൊന്നാടയണിയിച്ച് ആദരിച്ചു. അമ്മാര്‍ കീഴ്പറമ്പ് അധ്യക്ഷനായി. രമേശ് മഞ്ചേരി സ്വാഗതവും സമരനായകന്‍ കെ.എം ബഷീര്‍ നന്ദിയും പറഞ്ഞു.