പൂനൂര്‍: ഉണ്ണികുളം ഗ്രാമ പഞ്ചായത്തിലെ നാലാം വാര്‍ഡില്‍ താമസിക്കുന്ന കല്ലുവെട്ടും കണി കോളനിയിലെ സരളമ്മയ്ക്കും മകള്‍ക്കും ഇനി ഇരുട്ടില്‍ തപ്പേണ്ട. പോസ്റ്റില്‍ നിന്നും പതിനഞ്ച് മീറ്റര്‍ മാത്രം ദൂരമേ വീട്ടിലേക്ക് ഉണ്ടായിരുന്നുള്ളുവെങ്കിലും വൈദ്യുതി കണക്ഷന്‍ ലഭിക്കാന്‍ ചില  നിയമ കുരുക്കുകള്‍ വിലങ്ങു തടിയായി നില്‍ക്കുകയായിരുന്നു.
വിധവയായ സരളമ്മയ്ക്ക് കൂട്ടായുള്ളത് അസുഖ ബാധിതയായ മകളാണ്. പൊളിഞ്ഞു വീഴാറായ ഇവരുടെ വീട്ടില്‍ വൈദ്യുതി കണക്ഷന്‍ ലഭിച്ചത് ഏറെ ആശ്വാസമിയിരിക്കുകയാണ്.വാര്‍ഡ് മെമ്പര്‍ ഉള്‍പ്പെടെയുള്ളവരുടെ ശ്രമഫലമായാണ് സമ്പൂര്‍ണ്ണ വൈദ്യുതീകരണ പദ്ധതിയില്‍ ഉള്‍പ്പെടുത്തി കണക്ഷന്‍ അനുവദിച്ചത്. വാര്‍ഡ് മെമ്പര്‍ ടി.കെ റീന സ്വിച്ച് ഓണ്‍ കര്‍മ്മം നടത്തി. വീട്ടിലേക്ക് ആവശ്യമായ എല്‍.ഇ.ഡി ബള്‍ബുകള്‍ സേവാഭാരതി പ്രവര്‍ത്തകര്‍ നല്‍കി.