പട്ടാമ്പി: പള്ളിപ്പുറം ദാറുല്‍അന്‍വാര്‍ ഇസ്‌ലാമിക് കോംപ്ലക്‌സിന്റെ 15ാം വാര്‍ഷികത്തിന്റെ ഭാഗമായി പ്രമുഖ പണ്ഡിതനും പ്രഭാഷകനുമായ എ.എം നൗഷാദ് ബാഖവി ചിറയിന്‍കീഴിന്റെ റമദാന്‍ പ്രഭാഷണവും ദുആ സമ്മേളനവും മൂന്നുമൂല അന്‍വാര്‍ നഗറില്‍ തുടക്കമായി. സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. മജിലിസുന്നൂര്‍ ആത്മീയ സദസ്സിന് ഹാഫിള് കെ.ടിസാജിദ് മുസ്‌ലിയാര്‍ നേതൃത്വം നല്‍കി.വി.സി ഹൈദര്‍ഫൈസി കൊടുമുണ്ട പ്രാര്‍ഥന നടത്തി. എ.എം നൗഷാദ് ബാഖവി റമദാന്‍ പ്രഭാഷണം നടത്തി. ദുആ സമ്മേളനത്തിന് സമസ്ത മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍ നേതൃത്വം നല്‍കി. മുസ്‌ലിംലീഗ് സംസ്ഥാന വൈസ് പ്രസിഡന്റ് സി.എ.എം.എ കരീം ശങ്കരമംഗലം പ്രസംഗിച്ചു. പി. മുഹമ്മദ്കുട്ടി മുസ്‌ലിയാര്‍ നാടപറമ്പ്, പി.കുഞ്ഞിപ്പു മുസ്‌ലിയാര്‍, പരുതൂര്‍ ഗ്രാമപഞ്ചായത്ത് അംഗം എ.ബഷീര്‍ മാസ്റ്റര്‍ കരിയണ്ണൂര്‍ സംബന്ധിച്ചു. കോംപ്ലക്‌സ് കമ്മിറ്റി സെക്രട്ടറിമാരായ പി.കെ മുഹമ്മദ് കുട്ടി മുസ്‌ലിയാര്‍ സ്വാഗതവും പി.ടി ബാവനുഹാജി നന്ദിയും പറഞ്ഞു. ഇന്ന് രാവിലെ 9 മണിക്ക് ബുര്‍ദ മജ്‌ലിസ് നടക്കും. 9.30ന് പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. സി.പി മുഹമ്മദ് കുട്ടി മുസ്‌ലിയാര്‍ ചെമ്പുലങ്ങോട് പ്രാര്‍ഥന നടത്തും. കോംപ്ലക്‌സ് കമ്മിറ്റി വൈസ് പ്രസിഡന്റ് പി.ടി മുഹമ്മദ് കുട്ടി ഹാജി അധ്യക്ഷനാകും. പി.കെ കുഞ്ഞാലിക്കുട്ടി എം.പി മുഖ്യാതിഥിയാകും. കെയ്‌റോ ആസ്ഥാനമായി പ്രവര്‍ത്തിക്കുന്ന ഇസ്‌ലാമിക് യൂനിവേഴ്‌സിറ്റി ലീഗ് നിര്‍വാഹക സമിതി അംഗമായി തെരഞ്ഞെടുക്കപ്പെട്ട സി.ഐ.സി കോഡിനേറ്റര്‍ അബ്ദുല്‍ഹഖീം ഫൈസി ആദ്യശ്ശേരിയെ ചടങ്ങില്‍ ആദരിക്കും. എ.എം നൗഷാദ് ബാഖവി റമദാന്‍ പ്രഭാഷണം നടത്തും. കോംപ്ലക്‌സ് കമ്മിറ്റി വൈസ് പ്രസിഡന്റ് പി.മുഹമ്മദ് മാനുഹാജി സ്വാഗതവും സെക്രട്ടറി എം.പി ആലസ്സന്‍ ബാവ നന്ദിയും പറയും.