ദുബൈ: വെസ്റ്റിന്‍ഡീസിനെതിരായ പ്രദര്‍ശന ടി20 പോരാട്ടത്തില്‍ ഇന്ത്യന്‍ പേസര്‍ മുഹമ്മദ് ഷമി കളിക്കും. ഹര്‍ദിക് പാണ്ഡ്യക്ക് പകരമാണ് ഷമി ലോക ഇലവന്‍ ടീമില്‍ ഇടം കണ്ടെത്തിയത്. വൈറല്‍ ഇന്‍ഫക്ഷന്‍ ബാധിച്ചതിനെ തുടര്‍ന്നാണ് പാണ്ഡ്യ പിന്‍മാറിയത്. ദിനേഷ് കാര്‍ത്തികാണ് ഷമിയെ കൂടാതെ ടീമിലുള്ള ഇന്ത്യന്‍ താരം. ഈ മാസം 31ന് ലോര്‍ഡ്‌സ് മൈതാനത്താണ് മത്സരം അരങ്ങേറുന്നത്. ഇംഗ്ലീഷ് റിസ്റ്റ് സ്പിന്നര്‍ ആദില്‍ റഷീദും ലോക ഇലവനില്‍ സ്ഥാനം കണ്ടെത്തിയിട്ടുണ്ട്.
കഴിഞ്ഞ വര്‍ഷം ചുഴലിക്കാറ്റില്‍ പെട്ട് തകര്‍ന്ന കരീബിയന്‍ ദ്വീപ് സമൂഹങ്ങളിലെ ക്രിക്കറ്റ് സ്റ്റേഡിയങ്ങളുടെ പുനര്‍നിര്‍മാണത്തിനായുള്ള ഫണ്ട് സമാഹരിക്കുന്നതിന്റെ ഭാഗമായാണ് പ്രദര്‍ശന പോരാട്ടം. ഇയാന്‍ മോര്‍ഗനാണ് ലോക ഇലവന്റെ ക്യാപ്റ്റന്‍.