കോഴിക്കോട്: എസ്.എസ്.എല്‍.സി ഗണിത പരീക്ഷാ ചോദ്യപേപ്പര്‍ ഗൈഡ് കമ്പനികള്‍ക്ക് മറിച്ചുവിറ്റ് പരീക്ഷകള്‍ മാറ്റിവയ്‌ക്കേണ്ടി വന്നതില്‍നിന്നു പാഠം പഠിക്കാതെ ഇന്നലെ നടന്ന പ്ലസ് വണ്‍ ജിയോഗ്രഫി പരീക്ഷാ പേപ്പറും ചോര്‍ന്നതിന്റെ ധാര്‍മിക ഉത്തരവാദിത്വം ഏറ്റെടുത്ത് വിദ്യാഭ്യാസ മന്ത്രി സി. രവീന്ദ്രനാഥ് രാജിവയ്ക്കണമെന്ന് കെ.എസ്.ടിയു സംസ്ഥാന പ്രസിഡന്റ് സി.പി ചെറിയമുഹമ്മദ് ആവശ്യപ്പെട്ടു.
കെ.എസ്.ടി.യു സംസ്ഥാന വ്യാപകമായി ജില്ലാ കേന്ദ്രങ്ങളില്‍ ആഹ്വാനം ചെയ്ത പ്രതിഷേധ പ്രകടനവും ധര്‍ണയും കോഴിക്കോട്ട് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ജില്ലാ പ്രസിഡന്റ് ടി.പി ഗഫൂര്‍ അധ്യക്ഷനായി.