മയ്യില്‍: മൂന്നാം ക്ലാസ് വിദ്യാര്‍ഥിനിയെ പീഡിപ്പിക്കാന്‍ ശ്രമിച്ച കേസില്‍ യു.പി സ്‌കൂള്‍ പ്രധാനധ്യാപകനെ അറസ്റ്റു ചെയ്തു. പേരളശ്ശേരി സ്വദേശിയായ ബാബുരാജിനെയാണ് വളപട്ടണം              പൊലിസ് അറസ്റ്റു ചെയ്തത്. കഴിഞ്ഞ ഓണാവധി കഴിഞ്ഞ് സ്‌കൂള്‍ തുറന്ന സമയത്തായിരുന്നു പീഡന ശ്രമം നടന്നത്. ഇതിനിടെ നടത്തിയ കൗണ്‍സിലിങ്ങിലാണ് കുട്ടി കാര്യങ്ങള്‍ തുറന്നു പറഞ്ഞത്. തുടര്‍ന്ന് വളപട്ടണം പൊലിസില്‍ പരാതി നല്‍കുകയായിരുന്നു. കണ്ണൂര്‍ ജുഡീഷ്യല്‍ സെക്കന്‍ഡ് ക്ലാസ് മജിസ്‌ട്രേറ്റ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.