കരുനാഗപ്പള്ളി: ഗേള്‍സ് ഹൈസ്‌കൂളിനു നേരെ കാംപസ് ഫ്രണ്ട് നടത്തിയ ആക്രമണത്തില്‍ പ്രതിഷേധിച്ച് ബഹുജന കൂട്ടായ്മ ഇന്നു നടക്കും. വൈകിട്ട് മൂന്നിന് ബോയ്‌സ് ഹയര്‍സെക്കന്‍ഡറി സ്‌കൂളിനു മുന്നില്‍ നിന്നും ബഹുജന മാര്‍ച്ച് ആരംഭിക്കും. തുടര്‍ന്ന് ബോയ്‌സ് ഹൈസ്‌കൂളിനു മുന്നില്‍ ചേരുന്ന കൂട്ടായ്മയില്‍ വിവിധ രാഷ്ട്രീയ പാര്‍ട്ടി നേതാക്കള്‍, സാമൂഹ്യ സാംസ്‌കാരിക മേഖലയിലെ പ്രമുഖര്‍ പങ്കെടുക്കും. കരുനാഗപ്പള്ളി ഗേള്‍സ് ഹൈസ്‌കൂളിനു നേരെ കഴിഞ്ഞ ദിവസമാണ് കാംപസ് ഫ്രണ്ട് പ്രവര്‍ത്തകര്‍ ആക്രമണം നടത്തിയത്. സ്‌കൂളില്‍ പുതുതായി നടപ്പാക്കിയ യൂനിഫോം പരിഷ്‌കരണത്തിന്റെ പേരിലായിരുന്നു സ്‌കൂള്‍ തുറക്കുന്നതിനു മുന്‍പ് തന്നെ സ്‌കൂളിനു നേരെ ആക്രമണം നടത്തിയത്.
മികച്ച പ്രവര്‍ത്തനത്തിലൂടെ നാടിനാകെ മാതൃകയായ വിദ്യാലയത്തെ തകര്‍ക്കാനുള്ള ശ്രമത്തിനെതിരെ ചില ശക്തികള്‍ നടത്തുന്ന നീക്കത്തിനെതിരെ നടക്കുന്ന കൂട്ടായ്മ വിജയിപ്പിക്കണമെന്ന് സ്‌കൂള്‍ മാനേജര്‍ പ്രൊഫ. ആര്‍. ചന്ദ്രശേഖരപിള്ള അഭ്യര്‍ഥിച്ചു.