വടകര: യാതൊരു നിയന്ത്രണവുമില്ലാതെ പെട്രോള്‍ ഡീസല്‍ വില വര്‍ധിപ്പിച്ചു ജനങ്ങളെ കൊള്ളയടിക്കുന്ന കേന്ദ്രസര്‍ക്കാര്‍ നടപടി അവസാനിപ്പിച്ചില്ലെങ്കില്‍ ജൂണ്‍ മാസം മുതല്‍ കേന്ദ്രസര്‍ക്കാര്‍ ഓഫിസുകള്‍ ഉപരോധിക്കുമെന്ന് മോട്ടോര്‍ തൊഴിലാളി യൂനിയന്‍ ഐ.എന്‍.ടി.യു.സി താലൂക്ക് കമ്മിറ്റി നേതൃയോഗം പറഞ്ഞു.
സാധാരണക്കാര്‍ നിത്യോപയോഗ സാധനങ്ങളുടെ വിലവര്‍ധന കാരണം ദുരിതമനുഭവിക്കുമ്പോള്‍ ഇന്ധന വില വര്‍ധിപ്പിച്ച് കൊള്ള നടത്തുന്ന കേന്ദ്ര-സംസ്ഥാന സര്‍ക്കാരുകളുടെ നടപടിയില്‍ പ്രതിഷേധിക്കുവാന്‍ മുഴുവന്‍ മോട്ടോര്‍ തൊഴിലാളികളും വാഹന ഉടമകളും തയാറാകണമെന്ന് യോഗം ആവശ്യപ്പെട്ടു. കെ.പി.സി.സി നിര്‍വാഹക സമിതി അംഗം വി.എം ചന്ദ്രന്‍ ഉദ്ഘാടനം ചെയ്തു.
മോട്ടോര്‍ സെക്ഷന്‍ ഐ.എന്‍.ടി.യു.സി ജില്ലാ സെക്രട്ടറി കെ.എന്‍.എ അമീര്‍ അധ്യക്ഷനായി. മാതോംങ്കണ്ടി അശോകന്‍, കെ.പി കരുണന്‍, ബാവറ്റ അലി, രാജേഷ് കിണറ്റിന്‍കര, സി.കെ രാമചന്ദ്രന്‍, റോബിന്‍ ജോസഫ്, പറമ്പത്ത് ദാമോദരന്‍, കിണറ്റുംകണ്ടി അമ്മത്, ഭാരത സുരേന്ദ്രന്‍, രവി നമ്പ്യേടത്ത്, നെല്ലിക്കല്‍ പ്രേമന്‍ സംസാരിച്ചു. വി.കെ കുഞ്ഞിമൂസ്സ സ്വാഗതവും രാജന്‍ തോടന്നൂര്‍ നന്ദിയും പറഞ്ഞു.