താമരശേരി: ഓടിക്കൊണ്ടിരുന്ന കാറിനു മുകളിലേക്ക് ഡീസല്‍ നിറച്ച ടാങ്ക് മറിഞ്ഞ് കാര്‍ ഡ്രൈവര്‍ക്ക് പരുക്കേറ്റു. കത്തറമ്മല്‍ തറോല്‍ ഹൗസില്‍  ഷിഹാദ് (22) ന് ആണ് പരുക്കേറ്റത്. ഇന്നലെ ഉച്ചക്ക് രണ്ടോടെയാണ് അപകടമുണ്ടായത്. താമരശേരി കാരാടി വട്ടകുണ്ട് പാലത്തിനടുത്തുവച്ചാണ് അമ്പായത്തോട് ടാര്‍മിക്‌സിങ് കേന്ദ്രത്തിലേക്ക് ഡീസലുമായി പോയ ടാങ്കറാണ് കാറിന് മുകളിലേക്ക് മറിഞ്ഞത്.
അമിതവേഗത്തില്‍ വന്ന ലോറി വളവ് തിരിഞ്ഞപ്പോളാണ് ടാങ്ക് കാറിന് മുകളിലേക്ക് വീണതെന്ന് നാട്ടുകാര്‍ പറഞ്ഞു. മുക്കം ഫയര്‍സ്‌റ്റേഷനില്‍ നിന്നെത്തിയ ഫയര്‍ഫോഴ്‌സ് ഉദ്യോഗസ്ഥര്‍ റോഡില്‍ പരന്നൊഴുകിയ ഡീസല്‍ നീക്കംചെയ്തു.