കിങ്സ്റ്റണ്‍: വേഗരാജാവ് ഉസൈന്‍ ബോള്‍ട്ട് ജമൈക്കന്‍ ഒളിമ്പിക്‌സ് ട്രയല്‍സില്‍ നിന്ന് പിന്മാറി. ഫൈനലിനു മുന്‍പാണ് ഉസൈന്‍ ബോള്‍ട്ട് പിന്മാറിയത്. പരുക്ക് കാരണമാണ് പിന്മാറിയതെന്ന് ബോള്‍ട്ട് അറിയിച്ചു.

ഇതോടെ ഉസൈന്‍ ബോള്‍ട്ട് ഒളിമ്പിക്‌സിലെത്താനുള്ള സാധ്യത കുറഞ്ഞു. ഒളിമ്പിക്‌സ് ട്രയല്‍സില്‍ പങ്കെടുത്ത് ജയിക്കാതെ താരങ്ങളെ ഒളിമ്പിക്‌സിലേക്ക് അയക്കേണ്ടതില്ലെന്നാണ് ജമൈക്കന്‍ അത്‌ലറ്റിക്‌സ് അഡ്മിനിസ്‌ട്രേറ്റീവ് അസോസിയേഷന്റെ തീരുമാനം. എന്നാലും പരുക്ക് ഭേദമായാല്‍ ബോള്‍ട്ടിനെ ഒളിമ്പിക്‌സിലേക്കയക്കാനുള്ള സാധ്യതയുണ്ട്.