ജിദ്ദ: സഊദിയിലെ തബൂക്കില്‍ വാഹനാപകടത്തില്‍ പാലക്കാട് സ്വദേശി മരിച്ചു. പാലക്കാട് മുറിയക്കണ്ണി തിരുവിഴാംക്കുന്ന് സ്വദേശി ആലിക്കല്‍ ഹൗസിലെ കുഞ്ഞി മുഹമ്മദ് എന്ന ബാപ്പുട്ടി (53)യാണ് തബൂക്കില്‍ വാഹനമിടിച്ച് മരിച്ചത്.

സുബ്ഹി നിസ്‌കാരം കഴിഞ്ഞ് ജോലിക്ക് നടന്നു പോകുന്നതിനിടെ സ്വദേശി സഞ്ചരിച്ച വാഹനമിടിച്ചാണ് അപകടം. സംഭവസ്ഥലത്തു വച്ചു തന്നെ മരണം സംഭവിക്കുകയായിരുന്നു.

23 വര്‍ഷത്തിലധികമായി അല്‍റയാ സൂപ്പര്‍ മാര്‍ക്കറ്റില്‍ ജോലി ചെയ്തുവരികയാണ്. രണ്ടു മാസം മുന്‍പാണ് മദീനയില്‍ നിന്നു തബൂക്ക് ബ്രാഞ്ചിലേക്ക് ട്രാന്‍സ്ഫര്‍ ആയത്. ഹസനതാണ് ഭാര്യ. ദിന്‍സാ, ഫബിന, ഫസീബ എന്നിവരാണ് മക്കള്‍. അല്‍ദാരാ മെഡിക്കലിലെ ബ്രാഞ്ച് മാനേജര്‍ മുജീബ് മേക്രക്കുന്ന്(തബൂക്ക്), അഷ്‌റഫ്(എടത്തനാട്ടുകര), സക്കീര്‍(ഷാര്‍ജ) എന്നിവര്‍ മരുമക്കളാണ്. മയ്യിത്ത് തബൂക്കില്‍ തന്നെ മറവു ചെയ്യുമെന്ന് ബന്ധുക്കള്‍ അറിയിച്ചു.