പുതുച്ചേരി: സംസ്ഥാനത്തെ സുനാമി പുനരധിവാസ പദ്ധതി നിര്‍വഹണ വിഭാഗത്തില്‍ സി.ബി.ഐ റെയ്ഡ്. സുനാമി പ്രതിരോധ പദ്ധതി നിര്‍വഹണത്തില്‍ ക്രമക്കേടുണ്ടെന്ന് ആരോപണം ഉയര്‍ന്ന സാഹചര്യത്തിലാണ് റെയ്ഡ് നടന്നത്. ഓഫിസില്‍ നിന്ന് നിരവധി രേഖകള്‍ പിടിച്ചെടുത്തിട്ടുണ്ട്.
പലഘട്ടങ്ങളിലായി ഈ ഓഫിസില്‍ റെയ്ഡ് നടന്നിട്ടുണ്ട്. സുനാമി പുനരധിവാസ പദ്ധതിയുമായി ബന്ധപ്പെട്ട് 500 കോടി രൂപയുടെ വികസനപ്രവര്‍ത്തനങ്ങളാണ് നടപ്പാക്കുന്നത്. എന്നാല്‍ പദ്ധതിയുടെ കാര്യത്തില്‍ സുതാര്യതയില്ലെന്നും വ്യാപകമായ അഴിമതിയാണ് നടക്കുന്നതെന്നും ആരോപണം ഉയര്‍ന്നത് സര്‍ക്കാരിനെ സമ്മര്‍ദ്ദത്തിലാക്കിയിരുന്നു. ഇതിനിടയിലാണ് സി.ബി.ഐ ഇന്നലെ റെയ്ഡ് നടത്തിയത്.