കൊച്ചി: വിമാനത്തിനകത്തിരുന്ന് പുകവലിച്ച യാത്രക്കാരൻ കൊച്ചിൻ അന്തരാഷ്ട്ര വിമാനത്താവളത്തിൽ പിടിയിൽ. കണ്ണൂർ പാനൂർ സ്വദേശി മുബാറക് സുലൈമാനാണ് വിമാനത്തിനാകാതിരുന്ന സിഗരറ്റ് വലിച്ചതിന് പിടിയിലായത്. സഊദിയിലെ ദമ്മാമിൽ നിന്നുമെത്തിയ ഇൻഡിഗോ വിമാനത്തിലെ യാത്രക്കാരനാണ് ഇയാൾ. 

വിമാനത്തിനകത്ത് നിന്ന് പുകവലിച്ചത് ശ്രദ്ധയിൽ പെട്ടതിന് പിന്നാലെയാണ് ഇയാൾക്കെതിരെ നടപടി ഉണ്ടായത്. ഇൻഡിഗോ വിമാനത്തിന്റെ പൈലറ്റാണ് സംഭവത്തിൽ പരാതി നൽകിയത്. ഇതിന് പിന്നാലെയാണ് നെടുമ്പാശ്ശേരി പൊലിസ് ഇയാളെ പിടികൂടിയത്.