മഞ്ചേശ്വരം: കയറ്റിറക്കിനെ ചൊല്ലി സി.ഐ.ടിയു-ബി.എം.എസ് പ്രവര്‍ത്തകര്‍ തമ്മില്‍ സംഘര്‍ഷം. ഇതേ തുടര്‍ന്ന് മഞ്ചേശ്വരം പൊലിസ് സ്ഥലത്തെത്തി ഇവരെ വിരട്ടിയോടിച്ചു. ഇന്നലെ രാവിലെ 11ഓടെയാണ് സംഭവം. സി.ഐ.ടിയു പ്രവര്‍ത്തകരെ ചുമടിറക്കാന്‍ അനുവദിക്കരുതെന്നു പറഞ്ഞു ബി.എം.എസ് പ്രവര്‍ത്തകര്‍ പ്രദേശത്തെ കടയുടമകളെ ഭീഷണിപ്പെടുത്തിയതായി പറയുന്നു.
ഇതിനു പിന്നാലെ ചുമടിറക്കാനെത്തിയ സി.ഐ.ടിയു പ്രവര്‍ത്തകരും ബി.എം.എസ് പ്രവര്‍ത്തകരും തമ്മില്‍ ഉന്തും തള്ളും ഉണ്ടാവുകയും തുടര്‍ന്ന് സംഘര്‍ഷാവസ്ഥ ഉടലെടുക്കുകയുമായിരുന്നു.
സി.ഐ.ടിയുക്കാര്‍ ചുമടിറക്കുന്ന സ്ഥലത്ത് ബി.എം.എസ് പ്രവര്‍ത്തകര്‍ അല്ലാത്തവര്‍ വന്നു പ്രശ്‌നങ്ങള്‍ ഉണ്ടാക്കിയതായും സി.ഐ.ടിയു പ്രവര്‍ത്തകര്‍ പറയുന്നു. സംഘര്‍ഷ സാധ്യത കണക്കിലെടുത്ത് പ്രദേശത്ത് പൊലിസ് പിക്കറ്റ് ഏര്‍പ്പെടുത്തിയിട്ടുണ്ട്.