കൊണ്ടോട്ടി: ഖത്തറില്‍ നിന്ന് കരിപ്പൂരിലെത്തിയ രണ്ടുപേരില്‍ നിന്നായി 799 ഗ്രാം സ്വര്‍ണം എയര്‍ കസ്റ്റംസ് ഇന്റലിജന്‍സ് പിടികൂടി.
കോഴിക്കോട് സ്വദേശികളായ റിനാസ്, നസ്‌റിന്‍ താജ് അബ്ദുല്ല എന്നിവരില്‍ നിന്നാണ് 24.23 ലക്ഷം രൂപയുടെ സ്വര്‍ണം കണ്ടെത്തിയത്. ഇന്നലെ ഇന്‍ഡിഗോ വിമാനത്തില്‍ ദോഹയില്‍ നിന്നെത്തിയ റിനാസ് സ്വര്‍ണം മിശ്രിത രൂപത്തിലാക്കി ശരീരത്തിലൊളിപ്പിച്ച് കടത്താനായിരുന്നു ശ്രമിച്ചത്.
ഇയാളില്‍ നിന്നും 872 ഗ്രാം മിശ്രിതമാണ് പിടികൂടിയത്. 14.16 ലക്ഷം രൂപ വില വരുന്ന 449 ഗ്രാം സ്വര്‍ണം ഇതില്‍ നിന്നും വേര്‍തിരിച്ചെടുത്തു.
എയര്‍ഇന്ത്യ എക്‌സ്പ്രസില്‍ ദോഹയില്‍ നിന്നെത്തിയ നസ്‌റിന്‍ താജില്‍ നിന്നും 350 ഗ്രാം വരുന്ന സ്വര്‍ണ ചെയിനാണ് കണ്ടെടുത്തത്. ഇതിന് 10.06 ലക്ഷം രൂപ വില വരും.