കൊടക്കാട്: കൊടക്കാട് ശാഖ സമസ്ത കൊ ഓഡിനേഷന്‍ കമ്മിറ്റി സംഘടിപ്പിക്കുന്ന മജ്‌ലിസുന്നൂര്‍ വാര്‍ഷികവും മദീന പാഷന്‍ പ്രചാരണവും ഇന്നും നാളെയും കൊടക്കാട് കോട്ടുമല ബാപ്പു മുസ്‌ലിയാര്‍ നഗരിയില്‍ നടക്കും. ഇന്ന് നടക്കുന്ന മദീന പാഷന്‍ പ്രചാരണവും മത പ്രഭാഷണവും പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്യും. മദീന പാഷന്‍ സന്ദേശ പ്രഭാഷണം ഡോ. അബ്ദുല്‍ മജീദ് മാസ്റ്റര്‍ കൊടക്കാടും, മുഖ്യ പ്രഭാഷണം അബ്ദുസ്സമദ് ബാഖവി ചേകന്നൂരും നിര്‍വ്വഹിക്കും. നാളെ നടക്കുന്ന മജ്‌ലിസുന്നൂര്‍ ആത്മീയ സദസില്‍ സയ്യിദ് ശഫീഉല്ല തങ്ങള്‍ ജമലുല്ലൈലി കൊടക്കാട് അധ്യക്ഷനാകും. പി.കെ. സൈദ് ഹുസൈന്‍ തങ്ങള്‍ കൊടക്കാട് ഉദ്ഘാടനം നിര്‍വ്വഹിക്കും. അബ്ദുള്ള സലീം വാഫി അമ്പലക്കണ്ടി മുഖ്യപ്രഭാഷണം നടത്തും. കൊടക്കാട് മഹല്ല് ഖാസി സയ്യിദ് പി.കെ. ഇമ്പിച്ചി കോയ തങ്ങള്‍ മജ്‌ലിസുന്നൂറിന് നേതൃത്വം നല്‍കും.