കോഴിക്കോട്: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സിലിന്റെ ആഭിമുഖ്യത്തില്‍ മദ്‌റസാ അധ്യാപകര്‍ക്ക് എല്ലാ വര്‍ഷവും നല്‍കി വരുന്ന സര്‍വിസ് ആനുകൂല്യ സാമ്പത്തിക സഹായ വിതരണത്തിന്റെ ജില്ലാതല ഉദ്ഘാടനം എസ്.കെ.ജെ.എം.സി.സി സ്റ്റേറ്റ് വൈസ് പ്രസിഡന്റ് കെ.കെ ഇബ്‌റാഹിം മുസ്‌ലിയാര്‍ നിര്‍വഹിച്ചു. സൈനുല്‍ ആബിദീന്‍ അധ്യക്ഷനായി.
55 ലക്ഷം രൂപയാണ് ഈ ഇനത്തില്‍ സെന്‍ട്രല്‍ കൗണ്‍സില്‍ വിതരണം ചെയ്യുന്നത്. പി. ബാവ ഹാജി പൂവ്വാട്ടുപറമ്പ്, ഇ.കെ അബ്ദുല്ല ഫൈസി തെച്ചിയാട്, കെ.സി സുബൈര്‍ ബാഖവി, മുഹമ്മദ് സ്വാലിഹ് മുസ്‌ലിയാര്‍ വാവാട്, കെ.കെ മുഹമ്മദ് മുസ്‌ലിയാര്‍, എം. കോയക്കുട്ടി തങ്ങള്‍, എം. അബൂബക്കര്‍ വഹബി, എ.ടി മുഹമ്മദ് സംസാരിച്ചു. പി. ഹസൈനാര്‍ ഫൈസി സ്വാഗതവും പി.കെ അബ്ദുല്ല ബാഖവി നന്ദിയും പറഞ്ഞു. ആനുകൂല്യത്തിന് അര്‍ഹത നേടിയ അധ്യാപകര്‍ക്ക് ജൂലൈ പത്തു വരെ കോഴിക്കോട് മുഅല്ലിം സെന്ററില്‍ നിന്ന് കൈപ്പറ്റാവുന്നതാണ്.