അടിമാലി: കൊന്നത്തടിയില്‍ കെയിം കര്‍ഷക കമ്പനിയുടെ ഉദ്ഘാടനം ഇന്ന് നടക്കുമെന്ന് ചെയര്‍മാന്‍ ഡി. തങ്കച്ചന്‍, ഫിനാന്‍ഷ്യല്‍ ഡയറ്കടര്‍ കെ.ടി സുകുമാരന്‍, ബിസിനസ് കോഡിനേറ്റര്‍ പോള്‍ ജോസഫ് എന്നിവര്‍ അറിയിച്ചു. മൂന്നിനു നടക്കുന്ന യോഗത്തില്‍ വൈദ്യുതി മന്ത്രി എം.എം മണി ഉദ്ഘാടനം നിര്‍വഹിക്കും. ചടങ്ങില്‍ റോഷി അഗസ്റ്റ്യന്‍ എം.എല്‍.എ അധ്യക്ഷനാകും. ജോയ്‌സ് ജോര്‍ജ് എം.പി മുഖ്യപ്രഭാഷണം നടത്തും.
കമ്പനിയുടെ ലോഗോ പ്രകാശനം ജില്ലാ പഞ്ചായത്തംഗം നോബിള്‍ ജോസഫ് നിര്‍വഹിക്കും. ഓഫിസ് ഉദ്ഘാടനവും പദ്ധതി വിശദീകരണവും നബാര്‍ഡ് ജില്ലാ ഓഫിസര്‍ അശോക് നായര്‍ നടത്തും. ഷെയര്‍ സര്‍ട്ടിഫിക്കറ്റ് വിതരണം ഇസാഫ് ചെയര്‍മാന്‍ പോള്‍ തോമസ് നിര്‍വഹിക്കും. കമ്പനിയില്‍ നിര്‍മിക്കുന്ന ഉല്‍പന്നങ്ങളുടെ ആദ്യ വില്‍പന പഞ്ചായത്ത് പ്രസിഡന്റ് വി.കെ മോഹനന്‍ നായരും കാര്‍ഷിക ഉല്‍പന്ന സംഭരണ കേന്ദ്രം ജില്ലാ കൃഷി ഓഫിസര്‍ പി.ജി ഉഷാകുമാരിയും ലേബര്‍ ഗ്രൂപ്പ് ഉദ്ഘാടനം ബ്ലോക്ക് പഞ്ചായത്ത് വികസനകാര്യ സ്ഥിരംസമിതി അധ്യക്ഷന്‍ സി.കെ പ്രസാദും നിര്‍വഹിക്കും.