റിയാദ്: സഊദിയിൽ കൊവിഡ്-19 വൈറസ് ബാധയേറ്റു നാല് പേർ കൂടി മരണപ്പെട്ടതായി സഊദി ആരോഗ്യ മന്ത്രാലയം അറിയിച്ചു. ഇതോടെ രാജ്യത്തെ മരണ സംഖ്യ 29 ആയി ഉയർന്നു. പുതുതായി 140 പേർക്ക് വൈറസ് ബാധ സ്ഥിരീകരിക്കുകയും ചെയ്‌തിട്ടുണ്ട്‌. ഇതോടെ വൈറസ് ബാധിതരുടെ എണ്ണം 2179 ആയി ഉയർന്നു. സഊദി ആരോഗ്യ മന്ത്രാലയം നടത്തിയ പ്രതിദിന വാർത്താ സമ്മേളനത്തിലാണ് ഇക്കാര്യം അറിയിച്ചത്. ഇതോടൊപ്പം രോഗ മുക്തി നേടിയവരുടെ എണ്ണവും വർധിച്ചിട്ടുണ്ട്. ഇത് വരെ രോഗ മുക്തി നേടിയവർ 420 ആയാണ് ഉയർന്നത്. നിലവിൽ ചികിത്സയിൽ കഴിയുന്നവർ 1730 പേരാണ്.

#الصحة تعلن عن تسجيل (140) حالة إصابة جديدة بفيروس #كورونا الجديد (كوفيد19)، وتسجيل (4) حالات وفيات رحمهم الله، وتسجيل (69) حالة تعافي ليصبح مجموع الحالات المتعافية (420) حالة ولله الحمد. pic.twitter.com/ql3KE2JgJe

— و ز ا ر ة ا لـ صـ حـ ة السعودية (@SaudiMOH) April 4, 2020

      മദീന, ജിദ്ദ, മക്ക എന്നിവിടങ്ങളിലാണ് ഇന്നത്തെ മരണം സ്ഥിരീകരിച്ചത്. മദീനയില്‍ ഒരു വിദേശിയും സ്വദേശി വനിതയും ജിദ്ദ, മക്ക എന്നിവിടങ്ങളിൽ വിദേശികളുമാണ് മരിച്ചത്. ഇന്ന് സ്ഥിരീകരിച്ച വൈറസ് ബാധ കേസുകൾ നഗരികൾ തിരിച്ചുള്ള കണക്കുകൾ ഇങ്ങനെയാണ്: റിയാദ് 66, ജിദ്ദ 21, അല്‍ അഹ്‌സ 15, മക്ക 09, തബൂക്, ഖത്വീഫ് 05 വീതം, ത്വായിഫ് നാല്, മദീന, ഖോബാര്‍, ദമാം, ജുബൈൽ, ദഹ്‌റാൻ ദഹ്റാന്‍ എന്നിവിടങ്ങളില്‍ രണ്ട് കേസുകൾ വീതം, അബഹ, ഖമീസ് മുശൈത്, ബുറൈദ, ജിസാൻ, മജ്‌മഅ, ദിരിയ്യ എന്നിവിടങ്ങളില്‍ ഓരോ കേസുകളുമാണ് കഴിഞ്ഞ 24 മണിക്കൂറിന്റെ സ്ഥിരീകരിച്ചത്.