മാള: മുന്‍ മുഖ്യമന്ത്രി കെ.കരുണാകരന്റെ സ്മരണക്കായി മാളയില്‍ സ്ഥാപിച്ച ലീഡര്‍ സ്‌ക്വയര്‍ കാടുകയറി അനാഥമാകുന്നു.
മുന്‍ എം.എല്‍.എ പ്രതാപനാണു പി.ഡബ്ലിയു.വിന്റെ നേതൃത്വത്തില്‍ മാള പൊലിസ് സ്‌റ്റേഷനു സമീപം ലീഡര്‍ സ്‌ക്വയര്‍ നിര്‍മിക്കാന്‍ മുന്‍കൈയെടുത്തത്. മുന്‍ മുഖ്യമന്ത്രി ഉമ്മന്‍ ചാണ്ടിയാണു ഉദ്ഘാടനം ചെയ്തത്.
ലീഡര്‍ സ്‌ക്വയറിലെ വൈദ്യുതി പണം അടയ്ക്കാത്തതിനാല്‍ നേരത്തേ അധികൃതര്‍ വിഛേദിച്ചിരുന്നു.
പി.ഡബ്ലിയു ലീഡറിന്റെ അനുയായികളോ ലീഡര്‍ സ്‌ക്വയര്‍ സംരക്ഷണം നടത്തുന്നില്ലെന്ന് ആരോപണമുണ്ട്.കേന്ദ്രം കാടുകയറിയ നിലയിലാണ്. പി.ഡബ്ലിയു.വിന്റെ കൈവശമായതിനാല്‍ മാള പഞ്ചായത്തിനു സംരക്ഷണം ഏറ്റെടുക്കാനാവില്ല.
പൊലിസ് സ്റ്റേഷന്‍, പഞ്ചായത്ത്, ജൂത ശ്മശാനം എന്നിവക്കു സമീപമാണ് മാളയുടെ മാണിക്യത്തിന്റെ പ്രതിമ നിലകൊള്ളുന്നത്.