കാസര്‍കോട്: കാസര്‍കോട് ചികിത്സ കിട്ടാതെ വീണ്ടും മരണം. മഹാസങ്കടി സ്വദേശി രുദ്രപ്പ. ബി.ജെ.പി പ്രവര്‍ത്തകനാണ്. ഉപ്പളയിലെ ക്ലിനിക്കിലെത്തിച്ചെങ്കിലും രക്ഷിക്കാനായില്ല.

ഹൃദ്രോഗത്തിന് മംഗളൂരുവിലാണ് ചികിത്സിച്ചിരുന്നത്. വീട്ടില്‍ നിന്ന് എട്ടു കിലോമീറ്റര്‍ ദൂരമേ മംഗളൂരുവിലെ ആശുപത്രയിലേക്കുണ്ടായിരുന്നുള്ളു. എന്നാല്‍ അതിര്‍ത്തി അടച്ചതാണ് തക്ക സമയത്ത് തികിത്സ ലഭിക്കാതിരിക്കാന്‍ കാരണം.

ചികിത്സ കിട്ടാതെ മരിക്കുന്ന എട്ടാമത്തെ കാസര്‍കോടുകാരനാണ് രുദ്രപ്പ. ഇത്രയൊക്കെ ആയിട്ടും അല്‍പം പോലും വിട്ടുവീഴ്ചക്ക് കര്‍ണാടക തയ്യാറല്ല. അതിര്‍ത്തി തുറക്കുന്നത് മരണം ചോദിച്ചു വാങ്ങുന്നതിന് തുല്യമാണെന്നായിരുന്നു കര്‍ണാടക മുഖ്യമന്ത്രി യെദിയൂരപ്പയുടെ പ്രതികരണം.