തളിപ്പറമ്പ്: ഇരുപതു വര്‍ഷത്തോളമായി കാടുമൂടി ഉപയോഗശൂന്യമായിക്കിടന്ന ബക്കളം ടൗണിലെ പൊതുകിണര്‍ ശുചീകരിച്ചു. സി.ഐ.ടി.യുവിന്റെ നേതൃത്വത്തില്‍ ഓട്ടോ ഡ്രൈവര്‍മാരും ചുമട്ടുതൊഴിലാളികളും നാട്ടുകാരും പങ്കാളികളായി. കടുത്ത വേനലിലും വറ്റാത്ത വെള്ളമുള്ള പൊതുകിണര്‍ കാടുമൂടിയും മാലിന്യങ്ങള്‍ നിറഞ്ഞും ഉപയോഗശൂന്യമായിരുന്നു. ശുചീകരണത്തിന് എ. അജയന്‍, കെ.വി ചന്ദ്രന്‍, സി. ബാബു, ജയന്‍ വെള്ളിക്കീല്‍, കെ. അജയന്‍ നേതൃത്വം നല്‍കി.