തിരുവനന്തപുരം: വിജിലന്‍സ് ഡയറക്ടര്‍ സ്ഥാനത്തുനിന്ന് ജേക്കബ് തോമസിനെ മാറ്റിയതില്‍ നിഗൂഢതയുണ്ടെന്ന് പ്രതിപക്ഷ നേതാവ് രമേശ് ചെന്നിത്തല.

വിജിലന്‍സ് തത്തയ്ക്ക് പിണറായി വിജയന്‍ ചരമഗീതം പാടി. അഴിമതി വിരുദ്ധത എന്നും പറഞ്ഞ് സര്‍ക്കാര്‍ ജനങ്ങളെ പറ്റിച്ചു.

വിജിലന്‍സ് ഡയറക്ടറെ മാറ്റിയത് ധാര്‍മ്മികപരമായും നിയമപരമായും തെറ്റാണ്. ലോക്‌നാഥ് ബെഹ്‌റക്ക് വിജിലന്‍സിന്റെ ചുമതല നല്‍കിയത് കീഴ്‌വഴക്കങ്ങളുടെ ലംഘനമാണ്. ഇക്കാര്യത്തില്‍ മുഖ്യമന്ത്രി വിശദീകരണം നല്‍കണമെന്നും അദ്ദേഹം പറഞ്ഞു.

എസ്എസ്എല്‍സി ചോദ്യപേപ്പര്‍ വിവാദത്തില്‍ അന്വേഷണം പ്രഖ്യാപിച്ചില്ലെങ്കില്‍ നിയമനടപടി സ്വീകരിക്കും. കെഎസ്ടിഎക്കാരെ രക്ഷിക്കാനാണ് സര്‍ക്കാര്‍ ശ്രമിക്കുന്നതെന്നും അദ്ദേഹം കൂട്ടിച്ചേര്‍ത്തു.