പാലാ: രാമപുരം വെള്ളിലാപ്പിള്ളിയില്‍ ക്ഷേത്രോത്സവത്തിനിടെ ഒരുസംഘം ഹോട്ടല്‍ ആക്രമിച്ചു. തലക്ക് ഗുരുതരമായി പരുക്കേറ്റ ഹോട്ടല്‍ ഉടമയെ ആശുപത്രിയില്‍ പ്രവേശിപ്പിച്ചു. രാമപുരം വെള്ളിലാപ്പിള്ളി ശക്തീശ്വരത്ത് ഹരികുമാറിനാണ് (57) പരുക്കേറ്റത്. അക്രമത്തിന് നേതൃത്വം നല്‍കിയ വെള്ളിലാപ്പിള്ളി തൈപ്പറമ്പില്‍ ടോണിയെ (ഉണ്ണിച്ചന്‍-19) രാമപുരം സി.ഐ. ബാബുക്കുട്ടനും സംഘവും ചേര്‍ന്ന് പിടികൂടി. കഴിഞ്ഞ ദിവസം വൈകിട്ട് ആറ് മണിയോടെയായിരുന്നു സംഭവം. കേസില്‍ പ്രായപൂര്‍ത്തിയാകാത്ത രണ്ടുപേര്‍ കൂടി ഉള്‍പ്പെട്ടിട്ടുണ്ടെന്നും ഇവര്‍ക്കെതിരേയും കേസെടുത്ത് അന്വേഷണം നടത്തിവരികയാണെന്നും സി.ഐ പറഞ്ഞു. വധശ്രമത്തിനാണ് കേസെടുത്തിട്ടുള്ളത്.