ചട്ടഞ്ചാല്‍: സമസ്ത ഇസ്‌ലാമിക കലാ മത്സര വേദികളില്‍ ചട്ടഞ്ചാല്‍ റെയ്ഞ്ചിലെ മദ്‌റസകളില്‍ നിന്നു മികച്ച പ്രകടനം നടത്തിയ കലാപ്രതിഭകളുടെ സംഗമവും എസ്.കെ.എസ്.ബി.വി ജലദിന കാംപയിന്റെ ഉദ്ഘാടനവും നടന്നു. തെക്കില്‍ തര്‍ബിയത്തുല്‍ ഇസ്‌ലാം മദ്‌റസയില്‍ പരിപാടിയില്‍ രിഫാഇ ചട്ടഞ്ചാല്‍ ജലദിന പ്രതിജ്ഞ ചൊല്ലിക്കൊടുത്തു.
സയ്യിദ് ഹുസൈന്‍ തങ്ങള്‍ മാസ്തിക്കുണ്ട് പ്രാര്‍ഥന നടത്തി. സദ്ര്‍ മുഅല്ലിം അബ്ദുല്ല ദാരിമി അധ്യക്ഷനായി. ഖത്തീബ് അബൂബക്കര്‍ കുട്ടി ഫൈസി ഉദ്ഘാടനം ചെയ്തു. എസ്.കെ.എസ്.ബി.വി റെയ്ഞ്ച് കണ്‍വീനര്‍ സിദ്ദീഖ് ഹുദവി മണിയൂര്‍, അബ്ദുല്‍ ഖാദര്‍ ഹനീഫി കൊമ്പോട്, ഇസ്ഹാഖ് ദാരിമി കക്കിഞ്ച, ശഫീഖ് മൗലവി ആദൂര്‍, സുബൈര്‍ വാഫി എന്നിവര്‍ സംബന്ധിച്ചു. തുടര്‍ന്നുകുട്ടികളുടെ കലാപരിപാടികള്‍ നടന്നു. എം.ഐ സി അര്‍ശദുല്‍ ഉലൂം ദഅവാ കോളജ് വൈസ് പ്രിന്‍സിപ്പല്‍ നൗഫല്‍ ഹുദവി ചോക്കാട് കുട്ടികളുടെ പരിപാടി നിയന്ത്രിച്ചു.