കാസര്‍കോട്: ലോക പരിസ്ഥിതി ദിനത്തോടനുബന്ധിച്ച് ജില്ലാ ഭരണകൂടത്തിന്റെയും 'ജീവനം' നീലേശ്വരത്തിന്റെയും സംയുക്ത ആഭിമുഖ്യത്തില്‍ ഓരി കായലോരത്ത് കണ്ടല്‍ച്ചെടി വച്ചുപിടിപ്പിക്കുന്ന പദ്ധതിക്ക് തുടക്കമായി. ജില്ലാ കലക്ടറുടെ നേതൃത്വത്തില്‍ കായലോരത്ത് കണ്ടല്‍ച്ചെടികള്‍ നട്ടാണ് പദ്ധതിക്കു തുടക്കംകുറിച്ചത്.
'ജീവനം' പദ്ധതിയുടെ സ്ഥാപകനും പ്രാദേശിക കര്‍ഷക ശാസ്ത്രജ്ഞനുമായ പി.വി ദിവാകരന്‍ മുഖ്യാതിഥിയായിരുന്നു. കാഞ്ഞങ്ങാട് ആര്‍.ഡി.ഒ സി. ബിജു, പടന്ന ഗ്രാമ പഞ്ചായത്ത് വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ടി.കെ.പി ഷാഹിദ, ഒന്നാം വാര്‍ഡ് മെമ്പര്‍ കെ.വി രമേശന്‍, പടന്ന ഗ്രാമപഞ്ചായത്ത് മുന്‍ വൈസ് പ്രസിഡന്റ് ടി.കെ പവിത്രന്‍, കൃഷി ഓഫിസര്‍ ടി. അംബുജാക്ഷന്‍, വില്ലേജ് ഓഫിസര്‍ അനില്‍ വര്‍ഗിസ്, വള്ളത്തോള്‍ വായനശാല സെക്രട്ടറി സി.വി രാജന്‍, എ.കെ.ജി ക്ലബ് സെക്രട്ടറി സുരാജ് വൈക്കത്ത്, കെ.പി കണ്ണന്‍, തുടങ്ങിയവര്‍ പങ്കെടുത്തു.