കാസര്‍കോട്: വനംവന്യജീവി വകുപ്പിന്റെ നേതൃത്വത്തില്‍ ലോക പരിസ്ഥിതിദിനത്തിന്റെ ഭാഗമായി ജില്ലാതല പരിസ്ഥിതി ദിനാഘോഷം ജില്ലാ ഭരണകൂടം, കാസര്‍കോട് ഗവ. കോളജ് എന്‍.എസ്.എസ് യൂനിറ്റ്, ഭൂമിത്രസേന എന്നിവയുടെ സഹകരണത്തോടെ സംഘടിപ്പിച്ചു.
കാസര്‍കോട് ഗവ. കോളേജില്‍ സംഘടിപ്പിച്ച പരിപാടി ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഉദ്ഘാടനം ചെയ്തു. ജില്ലാ കലക്ടര്‍ കെ. ജീവന്‍ ബാബു അധ്യക്ഷനായി.
കാസര്‍കോട് നഗരസഭാ ചെയര്‍പേഴ്‌സണ്‍ ബീഫാത്തിമാ ഇബ്രാഹിം, ജില്ലാ ഇന്‍ഫര്‍മേഷന്‍ ഓഫിസര്‍ ഇ.വി സുഗതന്‍, ശുചിത്വമിഷന്‍ ജില്ലാ കോര്‍ഡിനേറ്റര്‍ ഡി.വി അബ്ദുള്‍ജലീല്‍, ഹരിത കേരളം മിഷന്‍ ജില്ലാ കോര്‍ഡിനേറ്റര്‍ എം.പി സുബ്രഹ്മണ്യന്‍, വൈസ് പ്രിന്‍സിപ്പാള്‍ ഡോ. പി.വി രമ, എന്‍.എസ്.എസ് പ്രോഗ്രാം ഓഫിസര്‍ എസ്. സുജാത, ഭൂമിത്രസേന കോര്‍ഡിനേറ്റര്‍ മുഹമ്മദലി, ഫോറസ്റ്റ് റേഞ്ച് ഓഫിസര്‍ എം. ജോഷില്‍, അസി. ഫോറസ്റ്റ് കണ്‍സര്‍വേറ്റര്‍ പി. ബിജു, എന്‍.എസ്.എസ് പ്രോഗ്രാം ഓഫിസര്‍ ഡോ. ടി. വിനയന്‍ എന്നിവര്‍ ചടങ്ങില്‍ സംസാരിച്ചു.