പരപ്പനങ്ങാടി: വിശുദ്ധ റമദാനിന്റെ പര്യവസാനത്തില്‍ വിശ്വാസികള്‍ ചെറിയ പെരുന്നാളിനെ വരവേല്‍ക്കാനൊരുങ്ങുമ്പോള്‍ പരപ്പനങ്ങാടി കോ.ഓപറേറ്റീവ് കോളജില്‍ വിദ്യാര്‍ഥികള്‍ പത്തിരി പരത്തലും മെഹന്തി ഫെസ്റ്റും സംഘടിപ്പിച്ചു. അഡ്വ കെ.കെ സൈതലവി പത്തിരി പരത്തി പരിപാടി ഉദ്ഘാടനം ചെയ്തു. പത്തിരി പരത്തലില്‍ സെക്കന്റ് ബി.കോം വിദ്യാര്‍ഥി സി. സാബിദ ഒന്നാം സ്ഥാനം നേടി. സെക്കന്റ് ബി.എ എക്കണോമിക്‌സ് വിദ്യാര്‍ഥി തസ്‌നി രണ്ടാം സ്ഥാനവും തേഡ് ബികോം വിദ്യാര്‍ഥി ആര്യശ്രീ മൂന്നാം സ്ഥാനവും നേടി.
വിജയികള്‍ക്കുളള സമ്മാനദാന വിതരണം സി. അബ്ദുറഹ്മാന്‍ കുട്ടി നിര്‍വഹിച്ചു. പ്രിന്‍സിപ്പാള്‍ മുഹമ്മദ്, കൗണ്‍സിലര്‍മാരായ സൈതലവി കടവത്ത്, ബുഷ്‌റ ഹാറൂണ്‍, അധ്യാപകരായ വനജ, ഹസീന, നൂര്‍ജഹാന്‍, രമ്യ, ബുഖാരി, മോഹന്‍ദാസ്. ടി.പി എന്നിവര്‍ നേതൃത്വം നല്‍കി.