വെല്ലിങ്ടണ്‍: ന്യൂസിലന്റില്‍ ലോക്ക്ഡൗണ്‍ നിര്‍ദേശം ലംഘിച്ച ആരോഗ്യ മന്ത്രിയെ തരംതാഴ്ത്തി. കുടുംബവുമൊത്ത് 20 കി.മി വാഹനം ഓടിച്ച ആരോഗ്യമന്ത്രി ഡേവിഡ് ക്ലാര്‍ക്കിനെയാണ് തരംതാഴ്ത്തിയതെന്ന് പ്രധാനമന്ത്രി ജസീന്ത ആര്‍ഡേണ്‍ പ്രസ്താവനയില്‍ അറിയിച്ചു.
ലോക്ക്ഡൗണിന്റെ ആദ്യത്തെ ആഴ്ച ആരോഗ്യമന്ത്രി കുടുംബവുമൊത്ത് ബീച്ചിലേക്ക് പോയതായിരുന്നു.രാജ്യത്തിന്റെ ആരോഗ്യ ടീമിനെ നയിക്കേണ്ട തന്റെ ഭാഗത്തുനിന്നും വിഡ്ഢിത്തപരമായ നടപടിയാണുണ്ടായതെന്ന് ക്ലാര്‍ക്ക് പറഞ്ഞു. തരംതാഴ്ത്തിയതിനെ തുടര്‍ന്ന് ക്ലാര്‍ക്ക് കാബിനറ്റ് റാങ്കില്‍ എറ്റവും അവസാനക്കാരനായി. സംഭവം വാര്‍ത്തയായതിനു പിന്നാലെ ക്ലാര്‍ക്ക് രാജിക്കൊരുങ്ങിയിരുന്നു.