ന്യൂഡല്‍ഹി: കേന്ദ്ര ടെക്‌സ്റ്റൈല്‍ മന്ത്രി സ്മൃതി ഇറാനിയെ പിന്തുടര്‍ന്ന നാല് കോളജ് വിദ്യാര്‍ഥികളെ പൊലിസ് പിടികൂടി. മന്ത്രിയുടെ പരാതിയുടെ അടിസ്ഥാനത്തില്‍ ഡല്‍ഹി ചാണക്യപുരി പൊലിസാണ് ഇവരെ പിടികൂടിയത്.
തന്റെ വാഹനത്തെ പിന്തുടര്‍ന്ന നാലംഗ സംഘം പിന്നിട് വാഹനത്തെ മറികടക്കാന്‍ ശ്രമിച്ചതായും മന്ത്രി നല്‍കിയ പരാതിയില്‍ പറയുന്നു. അതേസമയം ഡല്‍ഹി സര്‍വകലാശാലാ വിദ്യാര്‍ഥികളാണ് മന്ത്രിയെ പിന്തുടര്‍ന്നതെന്ന് പറഞ്ഞ പൊലിസ് ഇവരെ ചോദ്യം ചെയ്യുകയാണെന്ന് അറിയിച്ചു.