അമൃത്സര്‍: ഓപ്പറേഷന്‍ ബ്ലൂസ്റ്റാറിന്റെ മുപ്പത്തിനാലാമത് വാര്‍ഷിക ചടങ്ങുകള്‍ക്കിടെ സുവര്‍ണക്ഷേത്ര പരിസരത്ത് സംഘര്‍ഷം.
സിഖ് മതവിശ്വാസികളുടെ പ്രധാനപ്പെട്ട ആരാധനാ കേന്ദ്രമായ അകാല്‍ തഖ്തിന് സമീപത്ത് വെച്ചാണ് റാഡിക്കല്‍ സിഖുക്കാരും ശിരോമണി ഗുരുദ്വാര പ്രബന്ധക് കമ്മിറ്റി (എസ്.പി.ജി.സി) അംഗങ്ങളും തമ്മില്‍ ഏറ്റുമുട്ടല്‍ ഉണ്ടായത്.
വാളുകളും വടികളുമായി എത്തിയ പ്രവര്‍ത്തകര്‍ അകാല്‍ തക്തിലെ വിശുദ്ധകേന്ദ്രമായ ഹര്‍മന്ദിര്‍ സാഹിബിന് 100 അടി അകലെ സംഘര്‍ഷാവസ്ഥ സൃഷ്ടിക്കുകയായിരുന്നു.
പ്രതിഷേധക്കാരെ നീക്കം ചെയ്യുന്നതിനിടെ ഒരു എസ്.പി.ജി.സി അംഗത്തിന് പരുക്കേറ്റു. വിഘടനപരമായ മുദ്രാവാക്യങ്ങള്‍ മുഴക്കിക്കൊണ്ട് ചടങ്ങുകള്‍ക്കിടെ മുന്നോട്ട് വന്നവരെ എസ്.പി.ജി.സി അംഗങ്ങള്‍ നീക്കം ചെയ്യുകയായിരുന്നു.