തിരുവനന്തപുരം: ചീഫ് സെക്രട്ടറിയായി നളിനി നെറ്റോ ഇന്ന് ചുമതലയേല്‍ക്കും. എസ്എം വിജയാനന്ദ് വിരമിച്ച ഒഴിവിലാണ് നളിനി നെറ്റോയെ ചീഫ് സെക്രട്ടറിയാക്കാന്‍ സര്‍ക്കാര്‍ തീരുമാനിച്ചത്. സംസ്ഥാനത്തിന്റെ നാല്‍പ്പത്തി രണ്ടാമത് ചീഫ് സെക്രട്ടറിയാണ് നളിനി നെറ്റോ. വരുന്ന ഓഗസ്റ്റിലാണ് നളിനി നെറ്റോ വിരമിക്കുക.

ആഭ്യന്തര സെക്രട്ടറിയായിരിക്കെ വിജിലന്‍സ് ഡയരക്ടര്‍ ജേക്കബ് തോമസിന്റെ അഴിമതി വിരുദ്ധ നിലപാടുകള്‍ക്ക് ശക്തമായ പിന്തുണയാണ് നളിനി നെറ്റോ നല്‍കിയിരുന്നത്. ഈ നിലപാടാണ് ചീഫ് സെക്രട്ടറി സ്ഥാനത്തേക്ക് ഇവരെ തെരഞ്ഞെടുക്കാന്‍ വഴിയൊരുക്കിയത്. മുഖ്യ തെരഞ്ഞെടുപ്പ് കമ്മിഷണര്‍, തിരുവനന്തപുരം ജില്ലാ കലക്ടര്‍, ടൂറിസം ഡയരക്ടര്‍ തുടങ്ങിയ സ്ഥാനങ്ങളും വഹിച്ചിട്ടുണ്ട്.