കോഴിക്കോട്: ഈ വര്‍ഷത്തെ (എന്‍ഫ) നൈനാംവളപ്പ് ഫുട്‌ബോള്‍ ഫാന്‍സ് അസോസിയേഷന്‍ 15 വയസിനു താഴെയുള്ളവര്‍ക്കായി സംഘടിപ്പിക്കുന്ന കുട്ടി ഫുട്‌ബോള്‍ ടൂര്‍ണമെന്റിന് വെള്ളിയാഴ്ച നൈനാംവളപ്പ് കോതി മിനിസ്റ്റേഡിയത്തില്‍ തുടക്കമാവും.
7, 8, 9 തിയതികളില്‍ നടക്കുന്ന ടൂര്‍ണമെന്റില്‍ കോഴിക്കോട്, മലപ്പുറം, കണ്ണൂര്‍ ജില്ലകളിലെഫുട്‌ബോള്‍ അക്കാദമികളില്‍ നിന്നായി 24 ടീമുകള്‍ പങ്കെടുക്കും. കെ.ഡി.എഫ്.എ കുവൈത്തിന്റെ സഹകരണത്തോടെയാണ് മൂന്നുദിവസത്തെ ഫുട്‌ബോള്‍ ടൂര്‍ണമെന്റ് സഘടിപ്പിക്കപ്പെടുന്നത്. വെള്ളിയാഴ്ച ഉച്ചക്ക് 3.30ന് ആരംഭിക്കുന്ന ടൂര്‍ണമെന്റ് വാര്‍ഡ് കൗണ്‍സിലര്‍ സി. അബ്ദുറഹിമാന്‍ ഉദ്ഘാടനം ചെയ്യും. ചെമ്മങ്ങാട് എസ്.ഐ വി. സീത മുഖ്യാതിഥിയായിരിക്കും. ഒന്‍പതിന് ഞായര്‍ വൈകിട്ട് 4.30നാണ് ഫൈനല്‍.