പുത്തനത്താണി: മാതാപിതാക്കളെ സ്‌നേഹിക്കുന്ന, സമുദായത്തോടും സമൂഹത്തോടും പ്രതിപത്തിയുള്ള ഉത്തമ വിദ്യാര്‍ഥി സമൂഹം വളര്‍ന്നു വരേണ്ടതുണ്ടെന്ന് പാണക്കാട് സയ്യിദ് ഹമീദലി ശിഹാബ് തങ്ങള്‍.
എസ്.കെ.എസ്.എസ്.എഫ് ട്രെന്‍ഡ് പ്രീ സ്‌കൂള്‍ സംസ്ഥാനതല പ്രവേശനോത്സവം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രീ സ്‌കൂള്‍ സംസ്ഥാന ചെയര്‍മാന്‍ ശാഹുല്‍ ഹമീദ് മാസ്റ്റര്‍ മേല്‍മുറി അധ്യക്ഷനായി. സത്താര്‍ പന്തലൂര്‍ മുഖ്യ പ്രഭാഷണം നിര്‍വ്വഹിച്ചു. ഡോ. ടി.എ മജീദ് മാസ്റ്റര്‍, റഹീം മാസ്റ്റര്‍ ചുഴലി, റഷീദ് കൊടിയൂറ, മാറാക്കര ഗ്രാമപഞ്ചായത്ത് പ്രസിഡന്റ് എ.പി മൊയ്തീന്‍കുട്ടി മാസ്റ്റര്‍, സി.കെ സുലൈമാന്‍ ലത്വീഫി, സയ്യിദ് ശാകിറുദ്ദീന്‍ തങ്ങള്‍, ശംസുദ്ദീന്‍ മാസ്റ്റര്‍ ഒഴുകൂര്‍, അബ്ദുസ്സലാം ബാഖവി, ജസീം മാസ്റ്റര്‍, റഫീഖ് മാസ്റ്റര്‍, പി. കുഞ്ഞാപ്പ ഹാജി, മുജീബ് മുസ്‌ലിയാര്‍, ഖാസിം ബാവ മാസ്റ്റര്‍, ഉബൈദ് വാഫി, റിയാസ് ഫൈസി സംബന്ധിച്ചു. പ്രവേശനത്തോടനുബന്ധിച്ച് സംസ്ഥാന സമിതി തയാറാക്കിയ പ്രവേശനോത്സവ ഗാനത്തിന്റെ പ്രകാശനവും സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു.