കൊളത്തൂര്‍: പന്തുതട്ടി മത്സരം കാണാനെത്തി ഒടുവില്‍ മത്സരത്തിന്റെ ഹരം മൂത്ത് അന്യസംസ്ഥാനക്കാരും കളത്തിലിറങ്ങി. കഴിഞ്ഞ ദിവസം ഗോള്‍ഡ് സ്റ്റാര്‍ ക്ലബ് സംഘടിപ്പിച്ച വണ്‍ഡേ ഫെഡ് ലൈറ്റ് ടൂര്‍ണമന്റ് മത്സരത്തിലായിരുന്നു ആസാമീസ് സുഹൃത്തുക്കള്‍ കളിക്കാനിറങ്ങിയത്.
എംസാന്റ് ജോലിക്കായി കേരളത്തിലേക്കെത്തിയ ആസാമിക്കാരുടെ കാല്‍പന്തുകളിയിലെ ആവേശം പറഞ്ഞറിയിച്ചപ്പോള്‍ ബൂട്ടണിയാനുള്ള അവസരം നല്‍കുകയായിരുന്നു. സുമോന്‍, സോതു, മാമൂന്‍, മൊയ്തി, രാഹുല്‍ എന്നിവരായിരുന്നു കളിക്കാര്‍. ജോലി ആവശ്യാര്‍ഥം മലപ്പുറത്തെത്തിയ രാഹുല്‍ പടപ്പറമ്പിലെ ഒരു ബൈക്ക് വര്‍ക്ക്‌ഷോപ്പിലാണ് ജോലി ചെയ്യുന്നത്. ഡല്‍ഹിയിലും ചെന്നൈയിലും രാഹുല്‍ ആസാമിനു വേണ്ടി ഗോള്‍ കീപ്പറായി മത്സരത്തിലിറങ്ങിയിരുന്നു. ഇലവന്‍സിന്റെ നാട്ടില്‍ നിന്നും സെവന്‍സിന്റെ പാടശേഖരത്തില്‍ കളിക്കാനിറങ്ങിയത് തങ്ങളെ ഏറെ വലച്ചുവെന്നും നിലവില്‍ സുഹൃത്തുക്കള്‍ക്കും തനിക്കും പരിശീലനമൊന്നുമില്ലാത്തതിനാലാണ് ഉടന്‍ തന്നെ മത്സരത്തില്‍ നിന്നും പുറത്തായതെന്നും ഈ ആസാമി കായിക താരങ്ങള്‍ പറയുന്നു.

ണ്.