മാഡ്രിസ്: ലോക്ഡൗണ്‍ ലംഘിച്ച് സുഹൃത്തുക്കള്‍ക്കൊപ്പം ഫുട്ബോള്‍ പരിശീലനം നടത്തിയ ക്രിസ്റ്റിയാനോ റൊണാള്‍ഡോക്ക് പോര്‍ച്ചുഗീസ് ആരോഗ്യപ്രവര്‍ത്തകരുടെ മുന്നറിയിപ്പ്. റൊണാള്‍ഡോയെ പോലുള്ള ലോകോത്തര താരങ്ങള്‍ മറ്റുള്ളവര്‍ക്ക് മാതൃകയാവേണ്ട പ്രവര്‍ത്തികളാണ് ചെയ്യേണ്ടതെന്നും മറ്റുപൗരന്മാര്‍ക്കില്ലാത്ത പ്രത്യേകം ഇളവുകളൊന്നും റൊണാള്‍ഡോക്ക് അനുവദിച്ചിട്ടില്ലെന്നും അധികൃതര്‍ വ്യക്തമാക്കി.

പോര്‍ച്ചുഗലിലെ സ്വന്തം നാടായ മാഡ്രിയയിലെ ഫുട്ബോള്‍ സ്റ്റേഡിയത്തിനകത്ത് റൊണാള്‍ഡോയും സുഹൃത്തുക്കളും ഫുട്ബോള്‍ കളിക്കുന്നതിന്റേയും പരിശീലിക്കുന്നതിന്റേയും ചിത്രങ്ങള്‍ വ്യാപകമായി പ്രചരിച്ചിരുന്നു. ഇതിന് പിന്നാലെയാണ് റൊണാള്‍ഡോ കുറച്ചുകൂടി ഉത്തരവാദിത്വം കാണിക്കണമെന്ന മുന്നറിയിപ്പുമായി ആരോഗ്യ വകുപ്പ് അധികൃതര്‍ രംഗത്തെത്തിയിരിക്കുന്നത്.