തിരുവനന്തപുരം: കേരളത്തിലെ ഒഴിവ് വന്ന മൂന്ന് രാജ്യസഭാ സീറ്റുകളിലേക്ക് തെരഞ്ഞെടുപ്പുണ്ടാകില്ലെന്ന് സൂചന. ഇരു മുന്നണികളും സ്ഥാനാര്‍ഥികളെ നിര്‍ത്തേണ്ട എന്ന ധാരണയിലെത്തിയതായി അറിയുന്നു. സി.പി.എമ്മിലെ എളമരം കരീമിനെയും, സി.പി.ഐയിലെ ബിനോയി വിശ്വത്തേയുമാണ് എല്‍.ഡി.എഫ് രാജ്യസഭയിലേയ്ക്ക് അയക്കുന്നത്. പ്രതിപക്ഷത്തിന് അവകാശപ്പെട്ട ഒരു രാജ്യസഭാ സീറ്റ് മാണി കോണ്‍ഗ്രസിനു നല്‍കിയതിനെ തുടര്‍ന്ന് ജോസ് കെ. മാണിയാണ് സ്ഥാനാര്‍ഥിയായത്. നാളെ മൂവരും പത്രിക സമര്‍പ്പിക്കും. പത്രിക പിന്‍വലിക്കേണ്ട ദിവസവും നാളെയാണ്. എതിര്‍ സ്ഥാനാര്‍ഥികള്‍ ഇല്ലാത്തതിനാല്‍ നാളെ തന്നെ വിജയികളായി പ്രഖ്യാപിച്ചേക്കും.