പടിഞ്ഞാറത്തറ: ശക്തമായ കാറ്റിലും മഴയിലും പടിഞ്ഞാറത്തറ കൃഷിഭവന്‍ പരിധിയില്‍ 82,50,000 രൂപയുടെ കൃഷിനാശം. ആകെ 16.2 ഹെക്ടറില്‍ 87 കര്‍ഷകരുടെ കൃഷിയാണ് ഞായറാഴ്ച നശിച്ചത്.
വാഴ, റബര്‍, കമുക് കര്‍ഷകര്‍ക്കാണ് കൃഷിനാശം സംഭവിച്ചത്. 60 കര്‍ഷകരുടേതായി 15 ഹെക്ടര്‍ കുലച്ച വാഴകൃഷി നശിച്ചു. 12 കര്‍ഷകരുടേതായി ഒരു ഹെക്ടറിലെ റബര്‍ കൃഷിക്കും നാശം സംഭവിച്ചു. 0.2 ഹെക്ടറില്‍ 15 കര്‍ഷകരുടെ കമുക് കൃഷിക്കും നാശം സംഭവിച്ചു.