കണ്ണൂര്‍: ലോകകപ്പ് ഫുട്‌ബോള്‍ വരവേല്‍ക്കുന്നതിന്റെ ഭാഗമായുള്ള സ്‌പോര്‍ട്‌സ് സിനിമ തിങ്കളാഴ്ച മുതല്‍ പ്രദര്‍ശനം തുടങ്ങും. ജില്ലാ ലൈബ്രറിയില്‍ വൈകീട്ട് 6.30ന് ഇന്ത്യന്‍ ഫുട്‌ബോള്‍ നായകനായിരുന്ന സത്യന്റെ ജീവിതം പറയുന്ന ക്യാപ്റ്റന്റെ പ്രദര്‍ശിപ്പിക്കും. കമല്‍ സംവിധാനം ചെയ്ത ഗോള്‍ ചൊവ്വാഴ്ചയും പ്രേംനസീര്‍ അഭിനയിച്ച ഫുട്‌ബോള്‍ ചാമ്പ്യന്‍ ബുധനാഴ്ചയും പ്രദര്‍ശിപ്പിക്കും. വ്യാഴാഴ്ച വൈകീട്ട് 5.30 മുതല്‍ റഷ്യയില്‍ നടക്കുന്ന ലോകകപ്പ് ഉദ്ഘാടന ചടങ്ങ് ബിഗ് സ്‌ക്രീനില്‍ പ്രദര്‍ശിപ്പിക്കും. വിവിധ ദിവസങ്ങളില്‍ പ്രവചന മല്‍സരം, കായിക ക്വിസ് മല്‍സരം എന്നിവ നടക്കും. എല്ലാ കളിയും ബിഗ് സ്‌ക്രീനില്‍ പ്രദര്‍ശിപ്പിക്കും.