നെടുമ്പാശേരി: ലോക്ക്ഡൗണിനെ തുടര്‍ന്ന് സംസ്ഥാനത്തു തങ്ങിയിരുന്ന 18 യു.എ.ഇ ഉദ്യോഗസ്ഥര്‍ പ്രത്യേക വിമാനത്തില്‍ ഷാര്‍ജയിലേക്കു മടങ്ങി. ഇന്ന് വൈകീട്ട് നെടുമ്പാശേരി രാജ്യാന്തര വിമാനത്താവളത്തില്‍ നിന്ന് എയര്‍ അറേബ്യ വിമാനത്തിലാണ് ഇവര്‍ യാത്രതിരിച്ചത്.

കുടുംബസമേതം 25 പേര്‍ മടങ്ങുമെന്നാണ് നേരത്തെ അറിയിച്ചിരുന്നതെങ്കിലും 20 പേരാണ് വിമാനത്താവളത്തിലെത്തിയത്. പാസ്‌പോര്‍ട്ടിലെ സാങ്കേതിക പ്രശ്‌നങ്ങള്‍ മൂലം ഇവരില്‍ രണ്ടു സ്ത്രീകളുടെ യാത്ര മുടങ്ങി. നെടുമ്പാശേരിയില്‍ നിന്ന് പുറപ്പെട്ട വിമാനം ഹൈദരാബാദിലെത്തിയ ശേഷമാണ് ഷാര്‍ജയിലേക്കു പോയത്.