ശ്രീനഗര്‍:  ജമ്മുകശ്മിരിലെ ഷോപിയാനില്‍ സുരക്ഷാസേനയുമായുള്ള ഏറ്റുമുട്ടലില്‍ നാല് ഭീകരര്‍ കൊല്ലപ്പെട്ടതായി പൊലിസ്. മെല്‍ഹറ ഗ്രാമത്തിലാണ് സംഭവം. 

രഹസ്യവിവരത്തിന്റെ അടിസ്ഥാനത്തില്‍ രക്ഷാസേന തിരച്ചില്‍ നടത്തുന്നതിനിടെ ഭീകരര്‍ വെടിവയ്ക്കുകയായിരുന്നെന്നും തിരിച്ചു വെടിവച്ചപ്പോഴാണ് അവര്‍ കൊല്ലപ്പെട്ടതെന്നും പൊലിസ് അറിയിച്ചു. അന്‍സാര്‍ ഗസ്‌വത്തുല്‍ ഹിന്ദ് എന്ന സായുധസംഘടനയുടെ ആളുകളാണ് കൊല്ലപ്പെട്ടതെന്നാണ് റിപ്പോര്‍ട്ട്. കൊല്ലപ്പെട്ടവരില്‍ ഒരാള്‍ സംഘത്തിന്റെ കമാന്‍ഡറാണ്. കഴിഞ്ഞയാഴ്ച ഇവിടെ രണ്ട് ഭീകരരെ സൈന്യം വെടിവച്ചു കൊന്നിരുന്നു.