കാസര്‍കോട്: ഭാഷകള്‍ മനുഷ്യനെ കൂട്ടിയിണക്കുന്നതാകണമെന്നും ഒരു ഭാഷയും ഭിന്നിപ്പിക്കാനല്ല ഒന്നിപ്പിക്കാനാണ് പഠിപ്പിക്കുന്നതെന്നും അഞ്ചുമന്‍ തര്‍ക്കി ഉര്‍ദു സംസ്ഥാന പ്രസിഡന്റ് എം. പി അബ്ദുസ്സമദ് സമദാനി പറഞ്ഞു . തഹ്‌രീകെ ഉര്‍ദു കേരളയുടെ ആഭിമുഖ്യത്തില്‍ സംഘടിപ്പിക്കുന്ന കേരള ഉര്‍ദു യാത്ര ഫഌഗ് ഓഫ് ചെയ്ത് സംസാരിക്കുകയായിരുന്നു അദ്ദേഹം. ഉപ്പള പ്രേംചന്ദ് നഗറില്‍ നടന്ന ചടങ്ങില്‍ ഉര്‍ദു അക്കാദമി ചെയര്‍മാന്‍ ബി.എസ് അബ്ദുല്‍ റഹ്മാന്‍ അധ്യക്ഷനായി. പി.ബി അബ്ദുല്‍ റസാഖ് എം.എല്‍.എ ഉദ്ഘാടനം ചെയ്തു.
എസ്.സി.ആര്‍.ടി മുന്‍ റിസര്‍ച്ച് ഓഫിസര്‍ ഡോ. ഫൈസല്‍ മാവുള്ളടത്തില്‍ പ്രമേയ പ്രഭാഷണം നടത്തി. മംഗല്‍പാടി പഞ്ചായത്ത് പ്രസിഡന്റ് ശാഹുല്‍ ഹമീദ്, ഉബൈദ് റഹ്മാന്‍ അംബാര്‍, ബി.ജെ.പി ജില്ലാ പ്രസിഡന്റ് അഡ്വ. ശ്രീകാന്ത്, സുജാത ഷെട്ടി, ടി.എ മൂസ, ഡോ. ഗൗസ് മുഹിയുദ്ദീന്‍, ജാഥാ ക്യാപ്റ്റന്‍ അസിം മണിമുണ്ട, വൈസ് ക്യാപ്റ്റന്‍ എം മോഹനന്‍ കണ്ണൂര്‍, അബ്ദുല്‍ ഹഫീസ് ഉപ്പള, സയ്യിദ് തൗഫീഖ്, കെ.യു.ടി.എ സംസ്ഥാന പ്രസിഡന്റ് എം. ഹുസൈന്‍ മലപ്പുറം, സലാം മലയമ്മ, അബ്ദുല്‍ ലത്തീഫ് ഉപ്പള, ഇസ്മാഈല്‍, സതീഷ് ബാബു, ഇ.പി.ഉമ്മര്‍ മാസ്റ്റര്‍, അബ്ദുല്‍ ഹമീദ് യു.എ.ഇ, ടി അസീസ്, വി.വി.എം ബഷീര്‍ വടകര, സത്താര്‍ അരയങ്കോട്, അമീര്‍ കോടിബയല്‍, എം.പി. സലീം, യാസീന്‍ ഭായ്, എം.കെ.മുഹമ്മദ് സ്വാലിഹ്, മുനീര്‍ നെല്ലിക്കുന്ന്, എം.പി.അബ്ദുറഹിമാന്‍, പി.കെ.അബ്ദുല്‍ ഖാദര്‍, ഇഖ്ബാല്‍ കോടിബല്‍, സംസാരിച്ചു. ഡയറക്ടര്‍ പി. കെ. സി മുഹമ്മദ് കോഴിക്കോട് സ്വാഗതവും ടി മൊയ്തീന്‍ നന്ദിയും പറഞ്ഞു.