കോഴിക്കോട്: വള്ളിക്കുന്ന് മണ്ഡലം ഗ്ലോബര്‍ കെ.എം.സി.സിയുടെ ഇ. അഹമ്മദ് സ്മാരക സേവന രത്‌ന പുരസ്‌കാരം ചരിത്രകാരനും പ്രഭാഷകനും എഴുത്തുകാരനുമായ എം.സി വടകരയ്ക്ക് നല്‍കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഒരു ലക്ഷം രൂപയും പ്രശസ്തി പത്രവും ഫലകവുമടങ്ങുന്നതാണ് പുരസ്‌കാരം. 14ന് മൂന്നിന് കാലിക്കറ്റ് സര്‍വകലാശാല സെമിനാര്‍ ഹാളില്‍ നടക്കുന്ന ചടങ്ങില്‍ മുസ്‌ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ പുരസ്‌കാരം നല്‍കും.