എടപ്പാള്‍: രാഷ്ട്രീയ പ്രവര്‍ത്തനങ്ങള്‍ക്ക് സ്‌നേഹംകൊണ്ട് പുതിയ മാനങ്ങള്‍ നല്‍കിയ മഹാനായിരുന്നു പാണാക്കാട് സയ്യിദ് മുഹമ്മദലി ശിഹാബ് തങ്ങള്‍ എന്ന് കെ.പി രാമനുണ്ണി പറഞ്ഞു. ശിഹാബ് തങ്ങള്‍ റിലീഫ് സെല്ല്  സംഘടിപ്പിച്ച ശിഹാബ് തങ്ങള്‍ പുരസ്‌കാരം ചരിത്രകാരനും ഗ്രന്ഥകര്‍ത്താവും മുസ്‌ലിം ലീഗ് സംസ്ഥാന വൈസ് പ്രസിഡന്റുമായ എം.ഐ തങ്ങള്‍ക്ക് നല്‍കി സംസാരിക്കുകയായിരുന്നു അദ്ദേഹം.
റിലീഫ് സെല്‍ പ്രസിഡന്റ് വി.കെ.എ മജീദ് അധ്യക്ഷനായി. പാണക്കാട് സയ്യിദ് ഹാരിസലി  ശിഹാബ് തങ്ങള്‍ സമ്മേളനം ഉദ്ഘാടനം ചെയ്തു. കഥാകൃത്ത് പി.സുരേന്ദ്രന്‍ മുഖ്യപ്രഭാഷണം നടത്തി. മികച്ച എന്‍.എസ്.എസ് വിദ്യാലയമായി തെരഞ്ഞെടുത്ത പൂക്കരത്തറ ദാറുല്‍ ഹിദായ ഓര്‍ഫനേജ് ഹയര്‍ സെക്കന്‍ഡറി സ്‌കൂളിന് ശിഹാബ് തങ്ങള്‍ പുരസ്‌കാരം അദ്ദേഹം വിതരണം ചെയ്തു. പെരുന്നാള്‍ കിറ്റ് മുസ്‌ലിംലീഗ് മലപ്പുറം ജില്ലാ വൈസ് പ്രസിഡന്റ് അഷറഫ് കോക്കൂര്‍ വിതരണം ചെയ്തു. ഇബ്രാഹിം മുതൂര്‍, സുരേഷ് പൊല്‍പ്പാക്കര, കെ.പി മുഹമ്മദലി ഹാജി, സി രവീന്ദ്രന്‍, പി.പി മുഹമ്മദ് ആരിഫ്, റഫീക്ക് പിലാക്കല്‍, വി.കെ.എം ഷാഫി, ഫാസില്‍ ടി, കെ.വി ബാവ, ഇസ്മായില്‍ സംസാരിച്ചു.