പുതുക്കാട് : എച്ചിപ്പാറ ട്രൈബല്‍ സ്‌കൂളിലെ കുട്ടികള്‍ക്ക് മാള എന്‍ജിനീയറിങ്ങ് കോളജിലെ വിദ്യാര്‍ഥികള്‍ പഠനോപകരണങ്ങള്‍ വിതരണം ചെയ്തു.
മാള മെറ്റ്‌സ് എന്‍ജിനീയറിങ്ങ് കോളജിലെ എന്‍.എസ്.എസ് യൂനിറ്റിലെ വിദ്യാര്‍ഥികളാണു ചിമ്മിനി എച്ചിപ്പാറ ട്രൈബല്‍ സ്‌കൂളിലെത്തിയത്. 2008 മുതല്‍ മെറ്റ്‌സിലെ കുട്ടികള്‍ വിവിധ സേവനങ്ങളുമായി എച്ചിപ്പാറയിലെത്തുന്നുണ്ട്.
നേരത്തേ കംപ്യൂട്ടര്‍ സാക്ഷരത, കളിസ്ഥലം നിര്‍മാണം, ഊര്‍ജ്ജസംരക്ഷണം, ലഹരി നിര്‍മാര്‍ജനം തുടങ്ങിയ പ്രവര്‍ത്തനങ്ങള്‍ കുട്ടികള്‍ ഇവിടെ നടത്തിയിട്ടുണ്ട്. വരന്തരപ്പിള്ളി ഗ്രാമ പഞ്ചായത്ത് പ്രസിഡന്റ്് ഇ.എം ഉമ്മര്‍ ഉദ്ഘാടനം ചെയ്തു. വൈസ് പ്രസിഡന്റ് സുധിനി രാജീവന്‍ അധ്യക്ഷയായി.
സജീന മുജീബ്, പ്രിന്‍സിപ്പാള്‍ ഡോ. സുരേഷ്, അനീഷ്, എം.എ ജോയ്, പി.ടി.എ പ്രസിഡന്റ് മുജീബ് റഹ്മാന്‍ സംസാരിച്ചു.